Unwaith y cyhoeddir adroddiad yr Arolygydd, rhaid i'r awdurdod cynllunio 'fabwysiadu' y Cynllun Datblygu Lleol o fewn wyth wythnos. Pan fabwysiedir y Cynllun, bydd yr awdurdod cynllunio yn cyhoeddi 'Datganiad Mabwysiadu' i ddatgan hynny.

Cyfleoedd i gymryd rhan

Gallwch ofyn i gael eich hysbysu pan fabwysiedir y Cynllun. Unwaith y bydd wedi ei fabwysiadu gallwch gael gafael ar y dogfennau canlynol gan eich awdurdod cynllunio am ffi rhesymol.

• Cynllun Datblygu Lleol Mabwysiedig
• Datganiad Mabwysiadu
• Adroddiad yr Arolygydd
• Adroddiad yr Arfarniad o Gynaliadwyedd

Dylai'r holl ddogfennau hyn fod ar wefan yr awdurdod hefyd ac yn y swyddfeydd cynllunio.

Unwaith y'i mabwysiedir, gall unrhyw un geisio herio'r Cynllun yn yr Uchel Lys ond rhaid cyflwyno’r sialens o fewn chwech wythnos i'r mabwysiadu.